تزه بلدییه

ساتیریک ادبیات (Satirik Ədəbiyyat)

	تزه بلدییه
تزه بلدییه تزه گلن جمهور باشقانینا تقدیم اولونور! ایلک دفعه شهریمیزین تزه بلدییه سی(شهرداری سی)عابباس ائلچین یله بیر دانیشیق! ژورنالیست ائلچی بئی:عابباس ائلچین موعللیم، چوخ خوش گلیبسیز بیزیم دعوتیمیزی قبول ائتمکده ممنونام! عابباس ائلچین: من سیزدن گره ک تشکورومو بیلدیرم جامعه میزین قیدینه قالیرسیز، بو زحمتی قبول ائتمیسیز. ژورنالیست ائلچی بئی:ایلک ایشیز بو مسندده نه اولاجاق؟ عابباس ائلچین: واللاه ایلک هدفیم اوتاقیمین دوکورون، میز -صندلین بیرده اوتاقین اؤزون عوض ائیله مکدی .ائله کی گورسه نیر گئچمیش بلدییه بیر آز ،بلکه ده چوخ، بو شهره خیانت ائدیب، بو میز- صندلی ،دکوری ،اوتاقی جاماعات گورنده یاخجی دوشمور. ژورنالیست ائلچی بئی: ایکینجی ایشیز؟ عابباس ائلچین :گئچمیش بلدییه نین ایز -توزون ،هواردارلارین بو بلدییه ده ،کوکون قوروتماق نظریم وار. چونکی بونلاریلا بیر ایش گورمک اولماز. ژورنالیست ائلچی بئی: شهرین ایچه ریسینده نه ایش گوره جکسینیز؟ عابباس ائلچین :واللاه گئچمیش بلدییه شهریمیزی گون باتان طرفه سورموشدی. او یئرلر کی قارداشینینیدی شهر آراسی (محدوده شهر) قرار وئرمیشدی ،ایندی معلوم اولور شهر چوخ قولای شکیلده گون باتان طرفه گئدیب ،گره ک گون چیخان طرفه بیزیم قارداش گیلین یئرلرینین طرفینه گئده، شهرین گوزل اولماسینا بو ایشین چوخ تاثیری وار. ژورنالیست ائلچی بئی : شهرین ایچه ریسینده، شیرکتلر آسفالت ائدنلره گوره بیر سیفاریش؟ عابباس ائلچین: بونلار اؤزلرینه بیر آیری ایش تدارک گورسونلر، چونکی گئچمیش بلدییه میز بونلاری گتیرمیشدی، من بونلاری تانیمیرام، بیزیم اؤزوموزون گوزل شیرکتلریمیز- کوچه لریمیزی آسفالت ائدنلریمیز وار. ژورنالسیت ائلچی بئی: تاکسی -چوره ک خانالارا گوره نه سوزوز وار؟ عابباس ائلچین:گئچمیش بلدییه دوورونده آلان تاکسی -چوره کخانالارینان چوخ ایشیمیز وار، ایکی خط اوتوبوس سالماقیله بیرده بیر بویوک چوره ک زاوودی ایشه سالماق عمیم اوغلونون توسطیله قبللیکیلر اؤز- اؤزیله آرادان گئتمه لیدیلر. ژورنالیست ائلچی بئی:خانیملار کوچه ده اوتوروب بیرلیکده پئنجر آریداماقلارینا بیر دستور وار؟ عابباس ائلچین :وار! گئچمیش بلدییه نین ننه سی توکذ، یاپ شور- شودانانین چیخارتمیشدی، او اوتوران یئرلرده میله قویلاماقیله نگهبان قویماقیله بیر ممنونییتلر یارادا بیله ریک !بو طرفدن گوزل پارکلاردا سحر ایدمانی بیزیم محلله نین خانیملار باشجی سی، اسمرخانیم قاباقدا اولماقدا گوزل وضییتیمیز اولا بیلر! ژورنالیست ائلچی بئی:مئیدانلاریمیزا گوره بیر دوروموز وار؟ عابباس ائلچین: باخین، گئچمیش بلدییه ، بیزیم بیر عومورلوک گوزل اوس مئدانیمیزی تجارت مئیدانچاسیندان چیخارتدی، آشاغادا اؤزونه بیر مئیدان تیکدی ،آدیندا قویدی قیام مئیدانی، بو بیر بویوک خییانت حساب اولور بونو ایلک دورومودا گوتورمک لازیمدی. ژورنالیست ائلچی بئی : بلدییه نین اموالی نه حالدادی ؟ عابباس ائلچین: گئچمیش بلدییه ، بلدییه نین اموالین چوخ گرگین حالا سالیب، کوروش باسقین ائدن یئرلری اوجور خراب ائتمه میشدی، گئچمیش بلدییه اوجور اموالی چول له یب . ژورنالیست ائلچی بئی:خییابانلاردا -بولوارلارا هیکللر بیرده کوچه لرین آدلاری اوچون بیر تدبیریز وار؟ عابباس ائلچین: واللاه بو باره ده نه دئییم آخی، گئچمیش بلدییه گتیریب قبریستانین قاباغینا فیردوسی نین هیکلین ،مدرسه میزه نه بیلیم دقیقی یاراشدیریب- یازیب .خیلاصه بونلاری ایلک پول اله گلن آن، عوض ائدیب ،گوزلجه آدلار سعدی دن –حافیظدن ،حدداد عمی دن- نصیر جیناسدان قازیب یاراشدیراجاییق. ژورنالیست ائلچی بئی :سیزین دووورده خییابان-کوچه لرده دیوارلاری خراب ائدنده ،دالی چکیلمه، نئجه محاسبه اولوناجاق ؟ عابباس ائلچین:گئچمیش بلدییه چوخ قولای اولچوب- بیچیب، متفاوت اولچی لری واریمیش. بعضی یئرده بیر –بیر یاریم- ایکی مئتیر محاسبه اولونوب. بعضی یئر وار اصلا دالی گئتمه یبلر. بیزیم دووروده بئله اولمویاجاق ،من شهری بوله جه یم ،بعضی یئرلر بیر - بیر یاریم - ایکی مئتیر اولاجاق، بعضی یئرلرده وارکی اصلا دالی گتئمک اولماز. ژورنالیست ائلچی بئی :دیلنچی لر- دووایازان لار اوچون نه ایضاحات وئره بیلرسیز؟ عابباس ائلچین:دیلنچیلرین بیرده دووایازانلارین اتحادییه سی اولماماقدا ،هله بیزیم حمایتیمیزده دی گئچمیش بلدییه لیقدا بیر اؤز باشینالیقلار واریدی ،امما منیم دوورومده بو اولا بیلمه ز، دیلنچی الوش گونده بش یوز قازانیر، شهردارین اوردا حاققی وار. دووایازانلار اوچون منیم دوورومده ترتیباتیله قاباقا گئده جه ییک، قورخو- محببت آراقاریشدیرما دووالاری فرق ائیله یر، یازیلیب آخیردا اؤزونه گوره حئساب اولوناجاق!! آردی وار..... گرگرلی آراز + نوشته شده در پنجشنبه بیست و پنجم شهریور ۱۳۹۵ساعت 14:52 توسط محمد علی برزگر(گرگرلی آراز) نظرلر: دوکتور جئری شنبه ۲۷ شهریور ۱۳۹۵ ۱:۱۳ خوش گؤردوک شهرمیز یئنی بلدییه باشقانیمیز ایله فخر دویاجاقدیر، اومود ائدیرم باشقانیمیز شهریمیزین خسته خانا وضیعیتینه ده یئتیشیب نالایق رئیسی دگیشمکله ایصلاحتینی سوردورب میللتی سئویندیرسین!! یاشاسین باشقان پاسخ: دوکتور جئری جنابلاری چالیشماقیز بو دورومدا تعریفه لایقدی یالنیز شهریمیزین شوراسی آیری بیر وظیفه ده باشی مشغول اولماقدا بو اوزدن سیزلردن عذر ایسته مک بولومونده قالاجاییق -گلیشیز -دانیشدیقیز دان چوخ ممنون قالدیم موللانصرالدین شنبه ۲۷ شهریور ۱۳۹۵ ۲۱:۵ سالاملارلا بللی اولان سیز رئیس‌ شوناس‌سیز و منیم لیاقت‌لریمی، باجاریقلاریمی، ایش بیلن‌لیگیمی دریندن آنلایاراق گؤزل مصاحبه‌نی بیرجه "واو" آرتیق - اسکیک ائتمه دن وب سایتنیزدا یاییملامیسیز. صاباح شهرداری‌‌نین عمومی روابطینه مراجعه ائدیب مسئولونا : - منی داییز گؤندریب - دئیه معروفچولق ائدیب شهرداری دا اؤزوزون ویا اقربازین هرنه ایشی اولسا یئربه یئر ائله‌یین. احتراملا: عابباس ائلچین پاسخ: عابباس ائلچین موعللیم کور آللاه تعالادان نه ایستر بیری ایری بیری دوز دوز کی او دونیامیزدی نماز- اوروج-محرلملیقدا سینه وورماق -خمس زکات آلماق الا سایره اینشااللاه کی خودام قبول ائده جک قالدی او بیرسی گوزوموز ائله سیز دییه ن ایشدن اوتور یارانیب منیم گوزوم اوسته صاباح اؤزومو شهردارییه یئتیره رم آی جانیم نه گوزل سیزی اینتیخاب ائدیبلر چوخ یاراشیقلی -تمیز -ویقارلی بیر روتبه دیر سیزین اوچون اینشااللاه سیزین جمهور باشقانلیقیزی گوره بیلک منده سیزین معاون وظیفه سینده کمکجینیز اینشااللاه اینشااللاه-گلیشیز چوخ گوزلدی قالایچی مورتوض دوشنبه ۲۹ شهریور ۱۳۹۵ ۸:۴۹ عابباس ائلچین: واللاه بو باره ده نه دئییم آخی، گئچمیش بلدییه گتیریب قبریستانین قاباغینا فیردوسی نین هیکلین ،مدرسه میزه نه بیلیم دقیقی یاراشدیریب- یازیب .خیلاصه بونلاری ایلک پول اله گلن آن، عوض ائدیب ،گوزلجه آدلار سعدی دن –حافیظدن ،حدداد عمی دن- نصیر جیناسدان قازیب یاراشدیراجاییق. سالاملارآراز بئ دئییرم بو یئنی موعتبر بلدیه باشیجیسی سنن تانیش زاد اولسا دئنن منیمده هیکیلیمی ترس آواد کندینین میدان لارینین بیرینده قویسون سونرا یئراولمازباخخخخخخخخخخخخخ یاشا جانیم سان پاسخ: قالایچی مورتوض جنابلاری من ائله سیزین آدیزی تزه بلدییه عابباس ائلچین موعللیمه قولاق آتماسی دئدیم عابباس ائلچین موعللیم دئدی :سیزین بو تانیشین هیکلین وورماق چوخ ساده دیر امما سیزین بو تانیشیز بیزیم مملکته نه ایش گوروب دالی سی دئدی :بو هئچ اولماسا بیزیم بویوک تاریخیمیزده بووک -بویوک آداملاریمیزا مثلا کوروشوموزا -آرییا نسلیمیزه -فروغی -خانلری فراماسونرینه -کسروی دیلینه -اوز ایراده تین بیلدیره اوندان سونرا من اوز یاتان ائوده اونون هیکلین تیکدیرره م ..ایندی قالیب قالایچی مورتوض جنابلاری سیزین اوزوزه گوروم نه ائدیرسیز بیزیمده اوزوموز آغ اولسون -گلیشیزدن بیر دونیا ممنون قالدیم قدرت سه شنبه ۳۰ شهریور ۱۳۹۵ ۱۰:۵۸ سلام حؤرمتلی گرگرلی آراز جنابلاری بللیدی، بلدییه نین تاریخی(پارلاق تاریخی) ائلچین بیدن باشلانیر! بیرده کندلره گؤره ائلچین بیین باخیشلارینی بیلمک ایسته ییردیم! اللریز آغریماسین پاسخ: قدرت جنابلاری عابباس ائلچین جنابلاری کندلره گوره چوخ گوزل بیر باخیشلاری وار دستور وئریب بوتون سوپروملری کندلردن اینتیخاب اولونسون اونلاری گوزل پئندیر -ساری یاغ -یون جوراب -اورگانیک یئر یئمیشی اولور یئنه گلن مصاحبه مده بو دورومدا اوندان خبر آلماقیم منیم بورجوم اولسون -گلیشیز بیر دونیادی قالایچی مورتوض چهارشنبه ۳۱ شهریور ۱۳۹۵ ۶:۵۸ ایش گوروب دالی سی دئدی سالاملار آراز بئ اشی کیمین دالیسین گوروب منیم گوزوم توءائله میر باخخخخخخخخ باشا سال دااااااااااا پاسخ: قالایچی مورتوض جنابلاری یئکه کیشی سیز سوزو آیری یئره یورمایین ائله فیکریز -زیکریز قالسین ایستراتژیک موشکی مساییلینده -گلیشیز نه گوزلدی
+ : پنجشنبه ۱۳۹۵/۰۷/۰۸ساعات 12:58 يازان : عباس ائلچین \|

	XOŞ GƏLDİNİZ


RSS POWERED BY BLOGFA.COM